Rasha: Ko takunkumin EU zai tsayar da yaki?

Wannan yunkurin na zuwa ne, a daidai lokacin da kasashen kungiyar Tarayyar Turan EU 27 ke son hada hannu da Amurka da nufin karin matsin lamba ga Kremlin ta amince da matakan sulhu da Shugaba Donald Trump ya gabatar mata. Shugabannin kungiyar ta EU da Hukumar Tarayyar Turai na ci gaba da tattaunawa da sauran kasashe mambobinta, a kokarin da suke na kakaba takunkumi karo na 19 a kan Moscow tun bayan da ta mamaye makwabciyar tata Ukraine a shekara ta 2022.