Ko haraji zai kawo karshen yakin Ukraine?

Shugaba Donald Trump na Amurka ya bayar da wannan wa'adin ne, yayin ganawarsa da sakatare janar na NATO Mark Rutte a fadarsa ta White House. Haka nan ma Trump din ya yi barazanar farma Rasha da yakin kasuwanci, yana mai cewa yana amfani da kasuwanci a fannoni da dama amma yana da matukar muhimmanci ya yi amfani da kasuwancin wajen magance yakin. Cikin wasu kalamansa da ya yi a baya-bayan nan Trump ya bayyana takaicinsa a kan shugaban na Rasha, inda ya ce Shugaba Vladmir Putin ya ba shi kunya domin bai taba daukarsa a mutumin da yake yin magan biyu ba.