Rasha da Ukraine na musanyar fursunoni

Rahotanni daga jami'an gwamnatin Ukraine, sun tabbatar da musayar fursunoni tsakanin kasar da Rasha, wannan na daya daga cikin alamun da ke nuna cigaba a yunkurin da manyan kasashen duniya ke yi na kawo karshen yakin shekaru tsakanin kasashen guda biyu.

A makon da ya gabata ne dai jami'an kasashen Rasha da Ukraine suka cimma yarjejenaiyar musanyar fursnunon yaki guda 1,000 daga kowane bangare, bayan ganawar farko da aka yi a birnin Santanbul na kasar Turkiyya.

EU za ta sake lafta wa Rasha takunkumai kan yakin Ukraine

Kungiyar Tarayyar Turai dai na zargin Shugaba Putin da jan kafa a kokarin sulhunta rikicin, sai dai Putin ya dade yana nuna bukatar Ukraine ta janye sojojinta daga yankuna hudu da ya mamaye a watan Satumban 2022 a matsayin sharudan fara samun zaman lafiya.