Najeriya ta dakile fataucin tsuntsaye sama da 1,500

Cafke tsuntsayen da aka yi yunkurin fitar da su ba bisa ka'ida ba na daga cikin dakile fataucin dabbobi mafi girma a Najeriya, a cewar mai magana da yawun kungiyar kare hakkin dabbobi ta yammacin Afirka Mark Ofua kamar yadda ya shaida wa kamfanin dillancin labarai na AFP.

Karin bayani:Najeriya ta lalata hauren giwaye na miliyoyi

Hukumar Kwastam a Najeriya ta ce an cafke mutanen da suka yi yunkurin fitar da tsuntsayen na Aku da Kanari masu launuka daban-daban na shudi da rawaya har ma da ruwan dorawa zuwa kasar Kuwait a ranar 31 ga watan Yuli.

Karin bayani: Nijar: Cece-ku ce kan dokar haramta fitar da dabbobi waje

Najeriya na daya daga cikin kasashen da suka rattaba hannu kan yarjejeniyar haramta fataucin dabbobi da kuma halittun da suka dauko hanyar karewa a duniya.