Najeriya ta bai wa Amurka kwangilar makaman yaki

Amurka ta amince da sayar wa Najeriya makamai da kudinsu ya kai Dala miliyan 346, wadanda suka kunshi makaman roka da bama-bamai da sauran makamai.

Wannan na cikin sanarwar da shelkwatar tsaro ta Amurka Pentagon ta sanar ranar Laraba, inda ta ce kamfanonin da za su yi kwangilar cinikayyar sun hada da Lockheed Martin da RTX Missiles and Defense, sai kuma BAE Systems.

karin bayani:Najeriya ta bijire wa muradin Trump na jibge mata bakin hauren Venezuela

Sama da shekaru goma sha biyar kenan Najeriya ke fama da ayyukan ta'addanci da suka yi sanadiyyar halaka dubban jama'a, musamman a yankin Arewacin kasar.